حي هو رب الجنود
بيان صادر من مجموعة جنود الرب
عيد القديسة بربارة تحتفل به كنيستنا في ٤ كانون الاول
اهميته ؛ الانتصار ، تحطيم الاصنام
و الاستشهاد من اجل محبة المسيح وعدم نكرانه ، القديسة بربارة شع نورها لأنها قبلت المسيح وتعمدت واستشهدت من اجله ، اليوم منحتفل كمسيحيين بهالعيد بس باشيا وازياء غريبة ما بتمت النا بصلة ، كيف ؟ رح نخبركم ؛ و بتمنى عليكم بهالعيد لا تنكروا ولادكم بأزياء واقنعة بتشبه الظلمة وملطخة بالدم
الاقنعة اليوم بالأسواق اشكالها كتير بشعة ، شيطانية ومخيفة ما بتشبهنا وما بتشبه قيمنا وتقاليدنا كمسيحيين هيدي كلها عادات وثنية ، لا تنكروهم وتوشحوهم بالسواد هيك بتفرحوا ابليس
ارجعوا للعادات والقيم المسيحية
ركزوا وانتبهوا لأولادكم بهيدا العيد بدنا نحتفل فيه لنفرح بإنتصار القديسة بربارة على عبادة الاصنام على الوثنية اخواتي ، انتصرت عكل مجد باطل بهالأرض لأن لقيت المجد الحقيقي ( الرب يسوع ) ، بهالعيد
ألبسوا ولادكم ثياب تنكرية للقديسين لان الهنا قدوس ، خلوا ثيابهم بيضا ونقية وملونة بالفرح خلوهم يرجعوا يدوروا من بيت لبيت وهني فرحانين وعم يرددوا ” هاشلة بربارة ” طعموهم القمح المسلوق ووزعوا الحلويات وما تنسوا الفقير والبردان ، هيدي هي عاداتنا المسيحية و متل ما منزرع القمح بهالليلة تحضيرا للميلاد ازرعوا كلام الرب بعقول ولادكم وخبروهم قصص وسير القديسين الي استشهدوا من اجل المسيح .